ကောင်းကင်ယံထက်တွင် ”ဂျိန်း ဂျိန်း”ဟူသောမိုးခြိမ်းသံများအဆက်မပြတ်ထွက်ပေါ်လာကာလျှပ်စီးများလည်းဝင်းလက်စွာဖြစ်ပေါ်နေလေသည်။မိုးကလည်းအငြိုးကြီးစွာ
ရွာသွန်းနေသော်ကြောင့်ချောင်းရိုးတစ်လျှောက်အုပ်မှိုင်းနေလေသည်။
အရာအားလုံးသည်မဲမှောင်အုပ်မှိုင်းနေချိန်တွင် လှေကလေးတစ်စင်းသည်
ချောင်းရေပြင်တွင်လူးလာဖြတ်သန်းနေလေသည်။လှေပေါ်ရှိလူတစ်ယောက်လည်းလှော်တက်ကိုကိုင်ကာချောင်းရေပြင်ကိုအံတုကာလှော်ခတ်နေလေသည်။မိုးများကလည်းအဆက်မပြတ်ရွာသွန်းကာမိုးခြိမ်းသံများလည်းဆူညံနေလေသည်။ထိုစဉ် လှေကလေးသည် ရုတ်တရက်လူးလွန့်ကာ ချောင်းရေပြင်ထက်တွင် နစ်မြှပ်သွားလေသည်။လှေပေါ်မှလူသည်လည်းလှေနှင့်အတူနစ်မြှပ်သွားလေရာလုံးလုံးမျှမတွေ့ရတော့ချေ။
”ငသော် အလောင်း ချောင်းထဲမှာတွေ့တယ်ဟေ့”
”ဟာ ဟုတ်ရဲ့လားကွာ ငသော်က ဝါရင့် ပိုက်သမားပါကွ””ဟာ မယုံလဲနေဗျာ ကျုပ်တောင်အခုပဲသူ့အလောင်းကိုကြည့်ပြီးပြန်လာတာ ”ဟုရွာထဲရှိလူများက
ဆူညံပွက်လောရိုက်ကာ ငသော်သေဆုံးသည့်သတင်းကိုပြောနေကြလေသည်။ငသော်၏အလောင်းကိုလည်းသွားရောက်ကြည့်ရှုကြသူများက”ငသော်သေတာရုပ်ပျက်ဆင်းပျက်ကွာ
ငါးမြှားချိတ်အာခေါ်ချိတ်ပြီးသေရတယ်လို့ကွာ”ဟုမှတ်ချက်ချကြလေသည်။ဟုတ်ပါပေသည်။ငသော်၏အလောင်းသည်ချောင်းရေပြင်ထက်တွင် ရုပ်ပျက်ဆင်းပျက်သေဆုံးနေလေသည်။သူ၏အာခေါင်တွင်ငါးမြှားချိတ်တန်းလန်းဖြင့်သေဆုံးနေကာ ကိုယ်ခန္ဓာအနှံကိုလည်း ငါးများကတွတ်ထားဆိတ်ထားသောကြောင့်ရုပ်ပျက်ဆင်းပျက်ပင်။ ငသော်သေသည့်ချောင်းကိုငသော်သေခေါင်းဟုခေါ်တွင်ကြလေသည်။ထိုချောင်းသည်။ပခုက္ကူ အနီး၊ချင်းတွင်းမြစ်အထက်ပိုင်း၊မဟာမြိုင်တောအနီးတွင်တည်ရှိလေသည်။
ငသော်သေဆုံးမှုသည်ဘာကြောင့်သနည်း။
.........အခုတလော ငသော်တစ်ယောက်ငါးဖမ်းရမည်ကိုပင်
စိတ်ပျက်နေလေသည်။ယခင်ကကွန်ပစ်လျှင်ငါးများအသင့်အတင့်မိလေသည်။ယခုရက်ပိုင်းတွင်ငါးများကိုလုံးဝဖမ်းဆီး၍မရဖြစ်နေလေသည်။ပိုက်ကွန်အတွင်းသို့ငါးများလုံးဝမရောက်ရှိ်ကြပေ။
ထိုကြောင့်ငသော်တစ်ယောက်လွန်စွာစိတ်ညစ်ကာကြံရာမရဖြစ်နေ၏။
ထ်ုနောက်ထုံးစံအတိုင်း လှေထဲတွင်ပိုက်ကွန်ထည့်ကာချောင်းရိုးအတိုင်းလှော်ခတ်လာလေသည်။
ထ်ိုသို့လှော်ခတ်လာရင်း ငသော်၏စိတ်ထဲ၌အတွေးတစ်ခုဝင်းလက်စွာဝင်ရောက်လာလေသည်။
”ဟာ ဟုတ်ပြီ မြို့တော်ရှင် ရွာတော်ရှင်
တွေကိုတိုင်တည်တုတောင်းပြီးကွန်ပစ်ကြည့်မယ်ကွာ”ဟုဆိုကာလှေဝမ်းအတွင်းမှပိုက်ကွန်ကိုထုတ်ယူလိုက်လေသည်။ထိုနောက်ငသော်က”မြို့တော်ရှင် ရွာတော်ရှင် များခင်ဗျာ ကျွန်တော်အခုငါးဖမ်းမလို့ပါ ငါးရအောင်ကူညီစောင်မတော်မူပါ
လှေဦးပိုင်းငါးတွေပြည့်နေအောင်ရရင်တော်ပါပြီခင်ဗျာ”ဟုဆိုကာကွန်ပစ်လေသည်။(လှေတစ်စင်းတွင်းအပိုင်းသုံးပိုင်းခွဲခြားထားလေသည် လှေရှေ့ပိုင်းကို ဦးပိုင်းဟုလည်းကောင်း၊လှေဝမ်းပိုင်းကို
ပဲ့ပိုင်းဟုလည်းကောင်း၊လှေနောက်ပိုင်းကို မြီးပိုင်းဟုလည်းကောင်း ခေါ်ဆိုကြလေသည် ။ စာရေးသူစကားချပ်)
ပထမဆုံးပစ်လိုက်သည့်ပိုက်
ကွန်အားပြန်လည်၍ဆယ်ယူရာငါးများ
အတော်အသင့်ပါရှိသောကြောင့်
ငသော်တစ်ယောက်ဝမ်းသာသွားလေသည်။”ဟာ ရွာတော်ရှင် မြို့တော်ရှင်တွေ ငါ့ကိုမစပြီးနဲ့တူတယ်
အရင်ကကွန်ပစ်ရင် ငါးသိပ်မရဘူး
အခုကျတော့ငါးအတော်ရသားပဲ”ဟုဆိုကာဝမ်းသားအူမြူးနေလေသည်။ထိုနောက်ကွန်နှစ်ကြိမ်ခန့်ပစ်ပြီးသောအခါ
ငါးအတော်အများရ၍လှေဦးပိုင်းသည်
ငါးများပြည့်လျှံသွားလေသည်။”ဟာ
လှေဦးပိုင်းတော့ငါးတွေပြည့်မောက်နေပြီ မထူးပါဘူးထပ်ပစ်မယ်ကွာ”ဟုကြုံးဝါးကာ”ကဲရွာတော်ရှင်တို့ရေ ကျွန်တော်
ရဲ့လှေပဲ့ပိုင်းတွင်ငါးများပြည့်မောက်အောင်လိုခြင်ပါတယ်ကူညီပေးပါအုန်း”ဟုထပ်မံတိုင်တည်ပြန်လေသည်။
ထိုသို့တိုင်တည်ပြီးနောက်ပိုက်ကွန်ကို ထပ်မံပစ်လွှတ်လိုက်လေသည်။အတန်ကြာသောအခါပြန်လည်၍ဆယ်ယူရာ
ငါးများအလွန်းများပြားစွာဖမ်းမိသောကြောင့်လှေပဲ့ပိုင်းသည်တခဏချင်းပင်
ပြည့်လျှံသွားလေသည်။ထိုသို့ငါးများအတော်အများရရှိသော်လည်း ငသော်၏စိတ်ထဲတွင် မတင်းတိမ်သေးဘဲလောဘအရိပ်အငွေ့များတထောင်းထောင်းထလာကာ” ရွာတော်ရှင်တွေကူညီတုန်း အခွင့်အရေးဆိုတာရတုန်းယူထားရတယ် နောက်တစ်ခါထပ်တိုင်တည်မယ်ကွာ”ဟုကြံစည်လေသည်။”ရွာတော်ရှင်နဲ့ဆိုင်ရာများခင်ဗျာ ကျနော်လှေမြီးပိုင်းမှာနေရာကျန်ပါသေးတယ် နောက်ထပ်ငါးများရရှိအောင်ကူညီပါးအုန်းခင်ဗျာ” ဟုဆိုကာထပ်မံ၍ပိုက်ကွန်ပစ်ဖမ်းလေသည်။ခဏကြာသော်ပိုက်ကွန်အားပြန်လည်ဆယ်ယူလိုက်သောအခါ
ငသော်တစ်ယောက်လွန်စွာဝမ်းသာသွားလေသည်။
ပိုက်ကွန်ထဲတွင်ငါးများပြည့်နှက်စွာဖမ်းမိနေလေသော်ကြောင့် သူ၏လှေမြီးပိုင်းပါငါးများဖြင့်ပြည့်လျှံသွားလေသည်။လှေသည်များပြားလှသော်ငါးများ၏အလေးချိန်ကြောင့်ချောင်းရေပြင်တွင်နှေးကွေးစွာဖြတ်သန်းနေလေ၏။ထိုစဉ်ကောင်းကင်ယံထက်တွင်
မိုးသားများမှောင်မဲကာမိုးခြိမ်းသံများမြည်ဟီး၍မိုးများသည်းကြီးမည်းကြီးရွာသွန်းလေသည်။ငသော်၏လှေငယ်လေးသည်လည်းငါးများအဆမတန်တင်ဆောင်လာသော်ကြောင့်သည်းထန်လှသောမိုးရေကြားတွင်လူးလွန့်ကာနေလေသည်။ကောင်းကင်ယံထက်တွင်မိုးခြိမ်းသံများဆူညံကာလျှပ်စီးများဝင်းလက်နေလေသည်။ထိုစဉ်လှေကလေးသည်လည်းငသော်၏လောဘကြောင့်ရရှိလာသည့်ငါးများ၏ အလေးချိန်ကိုအံမတုနိုင်ရှာဘဲ
ချောင်းရေပြင်ထဲသို့နှစ်မြှပ်သွားလေသည်။ငသော်သည်လည်း လှေငယ်လေး၏နှစ်မြှပ်မှုနှင့်အတူ
ချောင်းရေပြင်ထဲသို့သွေးရူးသွေးတန်း
နှစ်မြှပ်သွားလေတော့သည်။
နောက်တစ်နေ့တွင် ငသော်၏အလောင်းသည်ရုပ်ပျက်ဆင်းပျက်အနေအထားဖြင့်ချောင်းစပ်တွင်ပြန်ပေါ်လာလေသည်။ငသော်သည်အာခေါင်တွင်ငါးမြှားချိတ်တန်းလန်းဖြင့်ရုပ်ပျက်ဆင်းပျက်အသက်ပျောက်ကာ
အသေမလှခဲ့ပေ။
ငသော်သေပြီးနောက်ပိုင်းတွင်ထို
ချောင်းထဲရှိငါးများသည်လူသွားများ
သဏ္ဍာန်သွားများပါရှိကြလေသည်။
ငါးတိုင်းလိုလိုပင် လူသွားများပါရှိကြလေသည်။ထူးဆန်းလှပေစွ။ငသော်သေသည့်ချောင်းဖြစ်၍
ငသော်သေချောင်းဟုခေါ်ဆိုကြလေသည်။ငသော်သေချောင်းရှိငါးများသည်လူသွားများပါရှိကြသည်ဟုဆိုကြလေသည်။လောဘသမားငသော်တစ်ယောက်ကတော့ ထိုချောင်းတွင် မကျွတ်မလွတ်ပဲရှိနေမည်ကိုတော့
ယုံကြည်မိလေသတည်း။
{စစ်သူကြီး}
No comments:
Post a Comment